سؤال وجودي؟!

قول 🤔

هو ممكن الإنسان يتكسر؟!

يتكسر ازاي تقصد ايه بكلمة كسر؟!

مش عارف أوضح قصدي..

يعني تقصد كسر الروح ولا كسر القلب ولا كسر العقل ولا كسر الجسد؟!

تعرفي اللي أعرفه إن أسهلهم كسر الجسد ربنا يعافينا بس الحاجة الوحيدة اللي بتتعالج مع الوقت..

طيب وأصعبهم لأ معرفش بس حاسس إنه كلهم بس فسري أنتِ بقى..

هفسر ايه هما مش محتاجين تفسير هما مكملين لبعض حتى الجسد بيشترك معاهم وقت ضعفهم بيُهزم ويضعف والإرادة عنده شبه مختفية تمامًا..

عندك حق والله..

بس الأمر صعب فعلًا أنا مهما قلت واتكلمت عمري ما هعرف أوصف إحساسك أو شعورك بالكسر بجد بس هو صعب أنا عارفة والله تحطيم الأهداف وسد الطرق وأذى الناس بالفعل والقول تحس إنك ماشي في اتجاه معاكس تحطيم في نفسك وروحك بكلام سلب كتير يتحفر لك حفر وتقاوم وتقوم وحاجات كتير وكل مرة تقوم فيها تقول ليه كل دا أنا عملت ايه؟!
صح ولا غلط..

والله كل اللي اتقال مظبوط بالظبط.. 👌🥺

تعالى أقولك ليه بقى الحياة كلها اختبارات ربنا بيحب يعرف مدى صبرك على الابتلاء ومدى قوتك لما تحس إنك قدام هدفك وتقول خلاص هوصل وتلاقيه اتكسر قدام منك أو اختفى أو أصلًا كان سراب بيحب يعرف أنت هدفك في الحياة مع الحياة هي عبادة الله سبحانه وتعالى بيحب يسمع صوتك وأنت بتبكي في الصلاة وأنت بتخشع في قراءة القرآن في تقربك منه..

بس بس كفاية كل دا احنا مغيبين عنه..

تعرف أحيانًا من كثرة الابتلاءات والمعوقات بقول يا رب طيب خلي الابتلاء في مرة حاجة تفرحني وأنسى الأذى اللي حصلي وبيحصل لي وشوف كدا هفضل قريبة منك وبصلي وبقرأ القرآن ولا بعدت عنك ولا زي ما أنا جرب دا معايا..

طيب ينفع تقولي كدا..

لأ المُفترض الإنسان يتأدب في ابتلاء الله له.. وعلى فكرة الابتلاء يظهر لك شر ولكن هو عند الله خير لا تعلمه لأن القضاء والقدر يعلمه الله سبحانه وتعالى..

الحمد لله على كل كسر أيًا كان هو ايه أنا فهمت كلامك..

ربنا يفرج همنا ويبدله خير وسعادة يا رب. ❤️🌹

#ســــتُبصر

know_ledge1027

اقرأ.. قصة قصيرة 🖋️👇🧡

كانت جالسة تقرأ في صمت الحروف البارزة التى تراها أمامها على الورق في هذا الكتاب الشيق الممتع الملئ بالأفكار والمعلومات وفي لحظة تركيزها الشديد سيطرت عليها أفكارها الأكثر قوة من معلومات الكتاب فأفكارها من الوقع الذي تعيشه أما الكتاب يبني لها تلك الأفكار في ذلك العقل الذي أتعبها كثيرًا..

وبين التفكير والقراءة قررت كتابة كل ما بداخل ذلك العقل لقد وجدت أن سعة تخزين المعلومات ممتلئة فقالت في نفسها سأفرغ بعضًا من تلك المعلومات والأفكار حتى أستطيع تكملة قراءة ما أردته بتركيز عالٍ دون ملل أو تشتت..

وكانت هذه الفكرة صائبة جدًا ولكنها صائبة لها هي..
فهي لا يعنيها مُحيطها بما يُقال عنها أو يحكم عليها كل ما يخصها حكم خالق الكون عنها تتجنب دائمًا ان ترتكب أي ذنب على قدر استطاعتها فهي تعلم أن رضا الله أفضل من إرضاء الناس..

ولكن الإنسان لا يعيش وحده في هذه الحياة هل تستطيع هي أو غيرها أن تجبر المُحيط بها على ما تريد؟!

أي مُحيط هذا وهي ترى أفكارها صور ورسومات تتحرك في الهواء.. أي مُحيط تقصده هي هل تلك المحيط الذي بداخلها وتراه هي أم المحيط الذي يراه المُحيطين بها؟! وبين ذلك وتلك.. فهي لا تفعل ولا تقول غير ما تقتنع به وتشعر به وتستريح له.. وتحب سماع النصيحة من غيرها بغير تسليم بها بل بتفكيرًا ووضعها مع رقم جديد بفكرة جديدة خاصة بهذا الموضوع وبعد تفكير طويل تأتي النتيجة الخاصة بها لا يهمها رأي أحد لأنها أخذت جميع الآراء ووضعهم في صندوق وهو عقلها ودرستهم جميعًا ثم أخذت ما يتناسب معها..

فأنت ترى من منظورك الخاص وهي أيضًا ترى من منظورها الخاص بها الصالح لها..

وفي النهاية لا نهاية لأن أنفاسها مازلت تدخل وتخرج في الحياة.. أي حياة.. الحياة التي أحبتها وهي أيضًا أحبت الحياة رغم الصعاب التي مرت وتمر بها ولا أحد يعلمها.. ولكنها فخورة بوجود الله معاها وهي ترى نوره في خطوة مُظلمة أمامها..

فكلما اشتد الظلام جاء النور والفرح والاستبشار 😊

هكذا يكون يومها فرحة من داخلة رغم ما يحدث تشعر بداخلها براحة لا تعلم مصدرها غير أنها تشعر كأنها تطير في الهواء كلما تعبت أخذ الله روحها طهرها ونقاها وعند الاستيقاظ تشعر أنها ولدت من جديد وتنسى ما قد مضى..😊🌹

#ســــتُبصر
#know_ledge1027

كل لحظة😊📸

فيها الحلو وفيها الوحش فيها الخوف والقلق وفيها الفرح والراحة والسعادة.. كل لحظة حلوة عيشها بحلوها كله وبلاش تفكر وقتها حتى في الثانية اللي بعدها ولكن خلي الإحساس الحلو مستمر معاك وانسى أي لحظة حزن أي دمعة وأي قلق وأي تعب وخوف سواء مر عليك أو لسه هيجي في المستقبل..🤷🏻‍♀️

من النهاية المستقبل من تخطيط ربنا أنت بتخطط عشان تعيش قدرك المكتوب..🤲

عيش وتعايش اللحظة اللي بتمر مش هترجع تاني والابتسامة لو راحت من وجهك أنت بس اللي هتتعب وتحزن..🥺

اجعل الحياة حياة عايشة جواك.🤗❤️😍

#ســــتُبصر
#know_ledge1027