اشتد الظلام عليها فرأت كرات من النور صغيرة

فكلما نظرت إليها ازداد النور حولها وظل يزداد ويزداد وإذ سقطت نقاط من الماء فظلت تنظر إلى أعلى من أين هذا الماء؟!

يا ترى من أين سقط؟!

فوجدت النور عبارة عن سحابة بيضاء أسقطت قطرات الماء عليها؛ لتروي البذرة التي زرعتها منذ فترة.

وبعد أيام قليلة وهي جالسة شاردة وجدت نبت صغير لونه جميل يخرج من مكان ما وضعت البذرة وإذ بنتيجة ما زرعته بين يديها.

لقد كانت البذرة كل ما جنته وفعلته وسعت وتعبت من أجله ووقفت وقتها شاردة حزينة لقد اشتد الظلام بها وعندما رأت كرات النور تركت البذرة في مكانها ونست أمرها فرضاها الله بنوره بسحابة محملة بالخير وجعلها تمسك نتاج عملها وتراه بين يديها وهكذا يا أصدقاء لن يترك الله أحدًا جعله يسلك طريقًا صعبًا وشاقًا دون مساعدته..💚

فالحمد لله على كل حال والحمد لله حين يشتد البلاء.

#ســــتُبصر
#know_ledge1027

بسم الله الرحمن الرحيم
قاصدة البداية بها بسم الله الرحمن الرحيم على كل شيء وكل فعل نقوم به بسم الله الرحمن الرحيم قبل بداية القراءة في كتاب الله وسنة رسوله..
الكلام دا مهم جدًا والبوست المرة دي نتيجة اختلاط ببعض الأشخاص وسمعت وفهمت ما سأقوله جيدًا..

موضوع ليس بالجديد ولكنه قد سبب ضجة في الشهور الماضية.. كلام ممكن يرضي البعض وممكن يغضب البعض الموضوع أذواق واختيارات وحريات ولكن ما دام يؤذي فهذا خطأ..
هذا الأسبوع لقد شاهدت بعض التعاملات من أشخاص مختلفة وجدت فيها فجوة زمنية سقطت ما بين جيل تعلم وتربى بطريقة صحيحة وجيل آخر كل ما يُذكر على لسانه كلام مهرجانات..

يا بنتي مكبرة الموضوع ليه أنتِ مالك؟!

تعالى أقولك وأعرفك اللي أخدت بالي منه ودي كارثة بكل المقاييس لما تلاقي الجيل الجديد كلامه غير واضح غير مفهوم أشبه بقول طلاسم عندما يسأله ما هو أكبر منه سنًا ليعرف ما الذي يريده أثناء الحوار بينهم؟!
وجدت عدم الربط بينهم في الكلام وكأني واقفة كمترجمة أفهم الاثنان ولكنهم لا يفهمون بعضهم وإن وجدت بعض الكلامات غير المفهوم أيضًا وبعض التلعثم في اللسان.. وصدمت.. وجدت كلام أشبه بانحدار لغوي جيل قال له في المدارس امتحان التربية الإسلامية معلومات عامة وكل ما يسمعه كلمات أغاني غير مفهومة كلها ألفاظ لا تمثلنا ولا تمثل مجتمعنا..

تعرفي إنهم كانوا بيحاولوا محو الكتابة العربية بالفرنكو وفشلوا..

آه فشلوا لأن القرآن يحمي لغتنا العربية لغة الدين واللغة الأعظم.. لقد صدروا لنا فكر ثقافي خاطئ لهذا الجيل.. وآسفة لا يوجد أي متابعة من المنزل الكل يقوده هاتفه بالمحتويات الفاشلة هي التي تُربي الصغار.. اسحبوا جميع الهواتف من الصغار حتى سن المرحلة الإعدادية ضع في يد ابنك كتابًا بدل من الهاتف لقد وصلوا لاستعمار عقولنا..

كلامك صعب ولكنه صحيح..

للأسف وجدت الموقف مع أكثر من شخص سواء شاب أو بنت نسبة الاستيعاب للكلام العادي صفر عقول مغيبة فارغة لا تفهم الكثير من الأشياء البسيطة..
علموا أولادكم التعليم مش بالتفاخر بالمدارس الخاص ونوع الهواتف..

تكملة للكلام أنا مع رجوع إحياء المدارس الحكومية والتجريبية حتى إذا لم يذهب إليها الطفل وبفرق المصاريف يأخذ جميع الكورسات التي يحتاجها..

للأسف وللأسف كمان مرة بداية من جيل التابلت يوجد إعاقة للعقول وإعاقة للتفكير ولو كنت من اللي بتحدث عنهم وحافظت على بعض من أفكارك حاول تساعد نفسك وتنشب نفسك من الجهل بالعلم والمعرفة..

وكن منتظرًا يومًا ما ستُرفع فيه الأقلام وتجف الصحف فاجعل عقك صحيفة لك..

ربنا ينور بصيرتنا جميعًا إلى الحق..

#ســــتُبصر
#know_ledge1027

حلمك ملهوش تاريخ صلاحية 👌

كلمتين كدا هقولهم

زي ما بنشوف حالات طلاق كتير سببها الطرفين وأغلبهم بيكون الرجل وخصوصًا وقت حمل الزوجة أو بعد الطفل الأول وبيرفض إنه يصرف عليه وحوارات وقصص كتير من دي كتير منا يعرفها..

أنا بقى هتكلم عن نوع تاني خالص ودا للأسف موجود ومش ببرر للرجال فعلهم بعد الزواج أو قبل الخطوبة في شخصيات بتبقى طبعها كدا وفي شخصيات تانية للأسف بتكون مرت بتجربة سيئة وما قدرتش تتعافى أو سببت أذى نفسي بداخل الشخصية دي..

نتكلم في المفيد في ظاهرة كبيرة جدًا ظهرت بين الشباب والبنات الفترة دي.. اللي هي البينت اللي بتدمر الشاب عدت مرحلة الشخصية النرجسية بمراحل لأ وتقنعه إنها حاجة كدا كيوت كل الطلبات لازم تكون مجابة.. آه طلبات من قبل الخطوبة وقراءة الفاتحة كمان فُسح وخروجات ولف وحاجة مخالفة للدين والشريعة ربنا يحفظنا.. الأغرب ماما وبابا عارفين وعادي.. والأغرب أنها بتقنعه إنها مش بتكلفه حاجة مش دي المشكلة يا ريتها على الفلوس والهبل دا.. خروج ضحك انبساط مدخل شيطان لأ دا باب كامل بعده بس كدا خلاص الشيطان دخل للطرفين تبتدي تسقط تعاليم الدين والقيم والعادات ولأ عادي بنفرح بقى بنعيش يومين خد بالك ممكن اليومين دول يكونوا آخر يومين لك فعلا والموت على معصية للطرفين غير بقى جملة دي بتاعت فلان أو العكس دا بتاع فلانة..

للأسف الكلام دا للجيل الجديد اللي هو ايه الرجعية دي حتى الأم والأب لما تنصحهم لأ سيبوا العيال تعيش دي حرية.. لأ دي مش حرية ومش تربية وآسفة والبنات دلوقتي في أي مكان أغلبهم قاعد في الكافيهات بالسجارة بصوت ضحك كان بيزعج الشباب نفسهم اللي هو نظرة لهم سيئة عدم تربية.. معلش الولد مهما يعمل ولد لكن البنت لأ ما تعملش أي حاجة غلط الأم اللي تخاف تتكلم مع بنتها أصلها هتزعق ما قدرش أقولها…. معلش أنتِ ضعيفة الشخصية التربية صعبة آه لكن تعاليم الدين ما فيهاش نقاش..

تابعوا أولادكم وبناتكم وللأسف الانحدار الأخلاقي زاد عن الحد علموهم القناعة والبركة في القليل علموهم الرضا وعدم السخط على النعمة علموهم يمسكوا كتاب الله عشان يعلمهم وقت ما تفشلوا..

ربنا يحمينا ويحفظنا اللهم آمين يارب العالمين.
ونفى النهاية احنا بشر ما حدش معصوم من الخطأ.

#ســــتُبصر
#know_ledge1027

كلما نظرت إلى ضوء النهار ضوء الشمس الساطع المشرق وجدت ضبابًا أسود أمامها كأنه دخان حريق وتغلق عينها وتفتحها والضباب كما هو كأن رموشها تحترق ولكنها ثابتة كما هي لم تؤذي ولن تؤذي ولكن يوجد من يأذيها وباستمرار ولكن يقينها بالله أقوى من اي شيء على وجه الأرض هو من أذن بالضر وهو من سيأذن برفع الضر..

ضع هذه الكلمة أمام عينك واجعل هذا الضباب دافع أن تسير للأمام كلما ازداد الضباب ازداد تقدمك فلا أخد على وجه الأرض والكون كله يقدر على تغيير ما قدره الله لك وكن على يقين دائم أن الله أراد لك الأفضل أن الله خالقك لن يتركك وسيسحق كل من يحاول أن يُعرقلك..

اشتد قوتك من قوة النور نور القرآن نور الله وستهلك بإذن الله كل ضباب يظهر أمامك اقهر من يقهرك وعرفه حجمه الحقيقي حجم الشر وحجم الشيطان حجم كل قوة مجهولة أمام عظمة الخالق..

انهض ولا تخاف ولا تخشى إلا الله.. 🤍🤲

#ســــتُبصر

know_ledge1027

حوار غير متوقع👌💫

أنا محتاج أتكلم😔

اتفضل🙂

هتسمعيني🤔

ذوقيًا وأدبًا ممكن أسمع☺️

طيب يا ستي يالا اتكلمي😎

أنا.. أتكلم ليه أنا هسمع بس..🤔

لأ أنا اللي هسمع اللي المفترض تقوليه.. 🙄😔

أنتِ محتاجة تتكلمي وأنا هسمع🎧

ومين قال إني عاوزة أتكلم🙄🤔

عقلك مليان بالأفكار والكلام ومش بيوقف🤦

وأنت عرفت منين؟!🤦🏻‍♀️

ازاي تسأليني عرفت دا ازاي؟!🤔

بترد على سؤال بسؤال كمان.. إحساسك اللي قالك صح..😔

لأ أنتِ اللي قلتِ🥺

أنا ازاي قلتِ ازاي؟!🤔

عقلك بلغني بكل حاجة..🙄

العقل مش بيتكلم 😒

يبقى قلبك🤨

هيتكلم ليه لأ بردو..😔

طيب فاضل ايه؟!🤔

فاضل الروح..🤍

تمام جدًا 👌

روحك بلغتني..🙂

ايه دا ازاي؟! الروح تتكلم مع حد..🤔

الروح بتتكلم جواها مش محتاجة تتكلم مع حد..🥺

أنتِ عارفة أنا مين؟!🤔

مين؟!😔

أنا روحك.. النقاء والطيبة والصلة بالله اللي دايمًا موصولة بالله لا يمكن تضيع وتخسر في الحياة من لجأ إلى الله أواه وحفظه.. أنا من أمرني الله بأن أحافظ عليك من أي أذى وشر ممكن أن يحدث لك..🤍

مالك ساكتة ليه؟!😒

مش قلت هتتكلم وأنا هسمع بسمع..🎧

طيب عرفتِ أنا مين؟!🤔

أيوة الطائف الرحماني الذي جعله الله ملازمًا لي فالروح من أمر ربي لا يعلم أحد بها..🤍💙

أحسنتِ..👌

كلما ضاقت بكِ الدنيا صلي ركعتين واسجدي وتحدثى مع الله وسيُرسل الله لك من يُعينك ويحفظك..☺️

ونعم بالله العلي العظيم.. استغفرك ربي وأتوب إليك.🤲🤍

#ســــتُبصر
#know_ledge1027