تعالى انتقد

يا بنتي ما تتكلمي أنتِ ساكتة ليه؟!

مين أنا؟!

آه.. أنتِ.. قولي..

أقول ايه؟!

طيب اكتبي..🤷مش هو دا اللي بتحبيه؟!

ما هو ولا القول نافع ولا الكتابة نافعة.. 🤷🏻‍♀️

رجعنا تاني للفلسفة..

لأ دي فلسفة الحياة.. أمال هنعيش ازاي؟! ونتعامل مع مختلف أنواع البشر ازاي؟!

نتفلسف يعني؟!

لأ مش قصدي كدا.. بس أنت كل ما هتعمل حاجة أو تقول حاجة لازم هتلاقي حد ينتقد.. أقولك حاجة مرة اعتزلت وقعدت في أوضتي فترة طويلة وتجنبت النقاش مع أغلب الناس.. وأنا اجتماعية جدًا أعرف ناس كتير حتى لو التواصل شات وقفت.. تعرف إن النقد كان حاضر بردو..
ولما تطلع من عزلتك وتتحرك.. أنتِ ما بتقعدي ليه؟! أنتِ فين؟! أنتِ عايشة حياتك كدا ولا حاجة فارقة معاكِ؟!

ايه دا حصل فعلًا معاكِ؟! طيب وبتعملي ايه وبتتحملي دا ازاي؟! طيب هو أنتِ بتابعي غيرك أوووي كدا؟! فيردوا دا مثلًا؟!🤔

لأ أنا مش بحب أتدخل في حياة حد غير لو قلت نصيحة لحد يهمني فقط.. والخوف الزيادة على غيرك دا بردو مش حلو..
بس تعالى لما أقولك المفيد..
كلام الناس أو المُحيطين بك ولا هيوديك ولا هيجيبك.. النصيحة بس اللي تعمل بيها.. يعني أنت لو مشيت اتجاه الأمام هيقولوا لأ ارجع وإذا رجعت هيقولوا لأ قدام.. من الآخر هو لازم انتقاد وإحباط.. وما ينفعش حضرتك تستسلم لي دا خالص.. هدفك هو اللي بيمشي مش كلام الناس.. ذاتك وعقلك وما تتمنى أمام عينك مرسوم على جبهتك.. لأن لو سمعت لهم هنقع ومش هتقوم.. وإذا قمت هيكون بعد فترة طويلة..

أحب أقولك حاجة..

اتفضل..

شكرًا على تحفيزك مش بس لك ولا عشاني..
لأ.. عشان اللي هيقرأ كمان.. بجد بشكرك.. أنتِ بتسمعي روحي الكلام فبتفوق عقلي.. 🙂👌

طيب الحمد لله لعله خير وسبب لأيام جميلة. 😊😊

#ســــتُبصر
#know_ledge1027